Потсети на Коби Брајант: Повредениот Ирвинг се врати на теренот за да изведе две слободни фрлања (ВИДЕО)

Далас Маверикс се соочува со доста проблеми во последно време, а главна причина за тоа се повредите на главните играчи, играчите од стартната петорка.

На таа листа сега е додаден и Кајри Ирвинг кој рано утрово одигра само 9 минути против Сакраменто Кингс, односно се повреди уште во првата четвртина при еден влезе по кој настрада левото колено.

Тој со помош на Дејвис и на уште еден член го напушти теренот, ама потоа тие двајца и го донесоа одново на паркетот затоа што Ирвинг сакаше да ги изведе двете слободни фрлања.

Кајри иако повреден ги погоди двата пенали и со тоа потсети на една ситуација од минатото на Коби Брајант. Коби пред повеќе од една деценија имаше херојски потег против Голден Стејт Вориорс, доживеа тешка повреда, настрада ахиловата тетива, ама легенданиот ас ги реализираше слободните фрлања пред да ја напушти играта.