Потрес во Минхен: Баерн ја повлече последната понуда во преговорите со Кимих!

Баерн Минхен секогаш педантно се води според своите вредности и принципи во преговорите со било која фудбалска ѕвезда, а откако во краток времнски интервал ги реши активностите со Алфонсо Дејвис и Џамал Мусиала, на ред дојде најтешката и најкомплексна задача за баварците.

Германскиот великан подолго време преговара со Џошуа Кимих за мега-договор според кој тој ќе биде најдобро платен фудбалер во првиот тим, но во недостаток на повратна информација од спротивната страна, Баерн сега ја повлекол оваа понуда.

Угледниот „Билд“ информира дека Баерн на почетокот на оваа недела го известил Кимих дека актуелната понуда веќе не важи, а според инсајдерски извори, истата надминувала 20 милиони евра по сезона.

Како што јавуваат Германците, водечките луѓе на Баерн се незадоволни од односот на фудбалерот чиј договор завршува на крајот на сезоната, па сега постои сериозен ризик еден од капитените на тимот да си замине како слободен агент.

Реномираните медиуми од Германија дополнуваат дека Баерн се уште остава простор за нови преговори со Кимих, но сега прашање е дали ќе му бидат обезбедени исти услови на клучниот играч во системот на Венсан Компани.