Поврзете се со нас

Свет

Потрес во Барселона по новото големо разочарување: Миротиќ влезе во вербална војна со Јасикевичиус

Објавено

на

Foto:twitter.com/FCBbasket

Реал Мадрид ја освои титулата во најсилната кошаркарска лига во Шпанија откако победи и на четвртиот меч во финалната серија, во која традиционално „кралевите“ ги одмерија силите со Барселона.

Каталонскиот великан одново потфрли во клучен дел од сезоната и по разочарувањето во Белград на фајнал-фор турнирот следеа нови пресметки со Реал Мадрид, но „Ел Класико“ дуелите завршија со нова победа за „кралевите“ кои со вчерашната победа ја добија серија со 3:1.

Тренерот Јасикевичиус и покрај разочарувањето ја оцени сезоната за позитивна, но со тоа не се согласи најголемата ѕвезда Никола Миротиќ кој има комплетно спротивен став од оној на тренерот.

– Не, не смееме да бидеме задоволни од сезоната. Ова не е добра сезона, ние сме повредени, можевме многу повеќе. Ова е неуспешна сезона, ние сме Барселона и не ги остваривме целите. Честитки до Реал Мадрид, покажаа подобра игра, знаење и имаа повеќе сила и енергија во серијата, – изјави Миротиќ, кој се потсети и на едни зборови од Јасикевичиус кој истакна дека на тимот му недостасува и карактер.

– Не се согласувам и со тоа дека ни недостасува карактер, секогаш се обидуваме да го направиме она што се бара од нас. Правиме грешки, ние сме луѓе, но ние се обидуваме да го направиме она што тренерот го бара од нас. Тимот падна и ќе мора да видиме што ќе направиме во овој летен период, – изјави Миротиќ.

Реклама
Реклама
Реклама

Популарни