Потер пресече за трите нови играчи на списокот за ЛШ, најголем губитник е искусен напаѓач

Челси донесе седум засилувања во зимскиот преоден рок, а медиумите уште одамна најавија дека менаџерот Греем Потер ќе има „слатки маки“ при изборот на фудбалери вклучени на списокот за настап во Европа.

Клубовите имаат право на три замени за вториот дел од европската сезона, а тоа значи дека Челси не може да пријави дури четворица нови играчи.

Потер ја донел конечната одлука и веројатно очекувано, се решил Енцо Фернандез, Микајло Мудрик и Жоао Феликс, кој е единствен позајмен играч во ова трио.

Тоа пак подразбира дека натпреварите во Европа од трибините ќе ги следат Бадијашил, Фофана, Сантош и Мадуеке, од кои самиот првиот беше посериозен кандидат бидејќи одигра квалитетни натпревари по пристигнувањето во Лондон.

Најголем губитник е искусниот Пјер-Емерик Обамејанг, кој морал да го отстапи своето место за една од трите замени на списокот, па напаѓачот од Габон нема да игра европски натпревари. За ситуацијата да биде помачна за Обамејанг, на списокот е и Хаким Зијеш, чиј трансфер во ПСЖ пропадна во последен момент.

Следен противник на Челси е Борусија Дортмунд.