Поврзете се со нас

Англија

Потер објасни зошто го повлече Мудрик по само 45 минути игра

Објавено

на

Михаило Мудрик имаше импресивно деби во дресот на Челси како резерва на „Енфилд Роуд“ и прикажа многу во својата прва претстава во синиот дрес, но првиот натпревар како стартер сигурно нема да го памети по добро.

Украинското крило имаше ужасно прво полувреме против Фулам и беше повлечен од игра од менаџерот Грем Потер, па така не излезе на теренот во вториот дел во кој Челси не успеа да го скрши отпорот и без него во тимот.

Одлуката на Потер не наиде на големо одобрување кај фудбалските експерти во Премиер лигата, па новинарите побараа одговор од менаџерот по разочарувачкото реми од 0:0 на „Стемфорд Бриџ“.

– Со младите играчи, понекогаш знае да тргне и во овој правец. Вистината е дека имаше тешка настинка во текот на оваа седмица и доста тешко се справи со тоа. Почувствувавме дека има тешки нозе и затоа го повлековме на полувреме. Не сакавме да правиме никаков ризик.

– Во секој случај, тој се уште е во процес на адаптација и надоградување. Имаше долга пауза во Украина и не е доволно фит. Затоа донесов таква одлука, – објасни Потер.

Реклама
Реклама
Реклама

Популарни