Потценет мајстор: Жиру со „покер“ ефект постави клупски рекорди за Челси (Видео)

Челси ја прегази Севилја на гостински терен во натпревар од Лигата на шампионите (0:4), а главна ѕвезда на теренот беше искусниот Оливие Жиру.

Иако не е во прв план кај менаџерот Френк Лампард, Жиру и вечерва максимално ја искористи шансата која ја доби и постигна четири погодоци, поточно сите за гостинската екипа од Англија.

Жиру ја отвори серијата во 8. минута, а во вториот дел постигна уште три гола, од кои само последниот беше од пенал.

Со ваквиот ефект, Жиру постави нови клупски рекорд како највозрасен фудбалер кој постигнал хет-трик, односно „покер“ во некое европско натпреварување.

Францускиот напаѓач вечерва постигна четири голови на 34 години и 73 денови, со што го собори рекордот на Дидие Дрогба од 2011 година, а стана и прв фудбалер на Челси кој постигнал четири погодоци на европски натпревар.