Постекоглу со директен напад за играч на Тотенхем: Му реков дека тоа е неприфатливо

Тотенхем не успеа да го победи Глазгов Ренџерс во Лига Европа, со што продолжи серијата без победа на премиерлигашот предводен од Анге Постекоглу.

Притисокот врз менаџерот се зголемува, а тој вчера реши да му одржи лекција на еден од фудбалерите на Тотенхем, кој според него не се однесувал соодветно на теренот.

Постекоглу на полувремето го замени Тимо Вернер, за пред медиумите да го објасни потегот.

– Таквиот настап за мене е неприфатлив, му го кажав тоа на Тимо, тој е германски репрезентативец.

– Во моментов немаме многу опции во нападот и очекувам секој од играчите да го даде својот максимум, но она што тој го одигра во првото полувреме е неприфатливо, – рекол менаџерот на Тотенхем.

Вернер во првото полувреме загубил 16 топки и не добил ниту еден од 5 дуели со противничките играчи.