Постекоглу: Рашфорд во Тотенхем? Ќе го кажам истото…

Маркус Рашфорд е на излезна врата од Манчестер Јунајтед, односно ако нема некоја драстична промена 2025 треба да биде година во која би требало да го видиме во друг дрес.

Низ медиумите секогаш има различнии информации, шпекулации, па сега Англичанецот се поврзува и со Тотенхем, па стратегот на „петлите“, Анге Постекоглу имаше можност да проговори на темата и испрати директна порака:

-Ако ги гледаме сите со кои не поврзуваат, немаше да имам време за ништо друго. Имам други луѓе да го направат тој дел од процесот. Ние бевме прилично дисциплинирани во однос на она што се обидуваме да го направиме овде и ќе продолжиме да бидеме така.

-Тоа не е на мојот радар. Можете да ме прашате за Маркус, но можете да ме прашате за секој фудбалер од Премиер лигата и јас ќе го кажам истото. [Немам] никаков интерес [за тоа што го кажа], не ми е гајле. Тој е играч на Манчестер Јунајтед, многу добар играч. Имаат многу добри играчи.

-Но, јас управувам со моите играчи и претпоставувам дека другите менаџери ќе управуваат со своите играчи. Во однос на ситуацијата на Маркус, немам вистинска желба да зборувам понатаму, -истакна тренерот на Тотенхем.