Последните три порази докажаа дека Гвардиола нема замена за еден фудбалер (Видео)

Пеп Гвардиола доби освежувања и замени за фудбалерите кои си заминаа во летниот преоден рок, но како што стојат работите, се чини дека не му е комплетно добро покриена клучната позиција на теренот кога го нема првиот избор на располагање.

Родри беше најдобар играч на Манчестер Сити минатата сезона и тоа го нагласи Пеп Гвардиола во неколку наврати, па иако Шпанецот го има во тимот Калвин Филипс, во моментов се чини дека воопшто нема доверба во него.

Доказ за тоа е што во стартната постава против Арсенал се најде младиот Рико Луис, кој иако е огромен талент, сепак не може да одговори на теренот како што тоа го прави Родри.

Шпанецот не играше на последните три меча во Англија поради црвениот картон кој го доби против Нотингем, а овие три пресметки покажаа дека Гвардиола сепак нема замена за него.

Сити најпрво загуби од Њукасл во Карабао Купот, серијата продолжи со пораз од Вулверхемптон, и на крајот заврши со незгоден пораз од Арсенал во дербито.

Manchester City’s record 𝐰𝐢𝐭𝐡 and 𝐰𝐢𝐭𝐡𝐨𝐮𝐭 Rodri in the #PL, #UCL and Carabao Cup.

They’ve LOST all three games in which he has been recently suspended… 🟥 pic.twitter.com/z7E2yW3fuq

— Football Daily (@footballdaily) October 9, 2023

❌ Newcastle United
❌ Wolves
❌ Arsenal

Manchester City lost ALL 3️⃣ games in which Rodri missed through suspension. 😳 pic.twitter.com/QJiUxeKzqa

— Football Daily (@footballdaily) October 9, 2023