Посебна чест и господски гест: Модриќ му се поклони на Марсело пред преполниот „Бернабеу“

Марсело во четвртокот објави дека става крај на совјата богата и блескава кариера во која успеа да освои се што може да се освои како член на Реал Мадрид, а бидејќи 16 години од својот живот му посвети на саканиот клуб од шпанската престолнина, логично беше да биде испратен со сите почести на „Сантијаго Бернабеу“.

Иако Бразилецот се пензионираше како слободен агент, Реал брзо организираше свечен чин во чест на својот легендарен фудбалер, кој вчера се најде во прв план пред почетокот на големото мадридско дерби.

Увертирета на натпреварот меѓу Реал и Атлетико му припадна на Марсело, а средбата со неговиот добар пријател Модриќ направи сцената да биде уникатна.

Хрватскиот маестро му се поклони на Бразилецот за се она што го направи за Реал, по што му подари и специјално врамен дрес потпишан од сите во клубот.

Марсело доби стоечки овации од преполниот стадион во Мадрид, нешто што потполно го заслужи со оглед на 25-те освоени титули како член на „кралскиот клуб“.

🇧🇷👏 Real Madrid say thank you to Marcelo, the club he won 25 trophies with. 🏆✨ (@LaLiga) pic.twitter.com/H6kDKn6KYf

— EuroFoot (@eurofootcom) February 8, 2025