Поранешно дете на Јунајтед по првиот повик во репрезентацијата: Заминав од Манчестер за да напредувам

Манчестер Јунајтед во ерата по Алекс Фергусон често менуваше менаџери и правеше успешни или помалку успешни инвестиции во скапи фудбалски ѕвезди, па дел од талентите од младинската академија потешко доаѓаа до простор да се искажат во првиот тим.

Еден од нив е и Ејнџел Гомес, фудбалер кој од шестгодишна возраст го носел дресот на Манчестер Јунајтед, но во 2020 година реши да ја бара среќата во друга средина и потпиша за Лил.

Неколку години подоцна, Гомес доби прв повик за англиската репрезентација, па пред новинарите зборувал за своето искуство од изминатите години.

– Го напуштив Јунајтед со цел за да напредувам како фудбалер и како личност.

– Очекував дека новото „патување“ ќе ме доведе во оваа ситуација, но секако беше тешко да го напуштам клубот во кој бев од дете и да тргнам во непознато. Имав тешки моменти, но и напредок и сега можам да кажам дека вредеше, – изјавил Гомес.

Тој во првиот тим на Манчестер Јунајтед има одиграно само 46 минути.