Поранешниот тренер Вајда емотивен по успехот на Ѓоковиќ: После толку години пловидба…

Новак Ѓоковиќ добива честитки и многу комплименти од сите страни, по триумфот на тенискиот турнир на ОИ во Париз, а со своја реакција се јави и долгогодишниот соработник и тренер со кого освои многу трофеи.

Се работи за словачкиот стручњак Мартин Вајда, кој подолг период не е дел од стручниот штаб на српскиот тенисер, но затоа не го криеше задоволството од комплетирањето на посакуваната колекција трофеи на Новак.

– Нолито, мисијата е комплетирана.

– После толку години пловидба, стигна на брегот.

– Долгогодишниот труд резултираше со олимписко злато на твоите гради. Многу сум горд на тебе, се изнаплакав, солзите излегоа сами откако го освои поенот за победа, – напишал Вајда на социјалните мрежи.