Поранешен тренер на Реал со еден пример го уништи Винисиус: Тоа е разликата меѓу него и Модриќ (Видео)

Винисиус Жуниор обично добива огромна заштита од Бразилците кои цврсто веруваа дека него ќе му припадна „Златната топка“, но сепак има и одредени поединци кои исто така се критички настроени кон однесувањето на големата фудбалска ѕвезда.

Вини остана без посакуваното признание и тоа предизвика огромен револт во Бразил, но не и кај поранешниот тренер на Реал Мадрид, Вандерлеи Луксембурго.

Стручњакот кој навистина кратко ги водеше „кралевите“ нема баш добро мислење за својот сонародник, особено кога се во прашање неговите провокативни игри кои знае да ги користи на теренот.

– Мислам дека тој навистина многу често ги провоцира противниците со работи кои не треба да ги прави. Секогаш кога го гледам Винисиус, во глава ми е една сцена.

– Имаше една ситуација во која противникот учтиво му ја дава топката, а тој ја фрла на земја. Противникот повторно ја зема топката и му ја врати во раце, а Винисиус ја фрли на земја и се потсмеваше со ривалот, – потенцира Луксембурго, мислејќи на ситуацијата со Кимих во полуфиналето во Лига на шампиони.

– Од друга страна, Модриќ игра во истиот клуб и кога ривалот му ја дава топката, тој веднаш го изведува аутот. Тоа е разликата, нема никаква врска со расизам, – потенцира Луксембурго.

No me creo q no tenga ninguna deficiencia pic.twitter.com/OL5XBEiSPN

— Fran (@Franchu_FCB) May 9, 2024