Поранешен српски фудбалер извршил самоубиство во Белград

Поранешниот српски фудбалер, Милјан Мрдаковиќ денеска се самоубил во стан во Белград, потврдила полицијата.

Мрдаковиќ го направил кобниот потег со револвер и тоа во присуство на својата девојка, која побегнала од станот и го пријавила случајот.

Полицијата го затекнала телото на 38-годишниот Мрдаковиќ со прострелна рана во главата, по што само е констатирана неговата смрт.

Мрдаковиќ е роден во Ниш, а откако почнал да тренира во Раднички, набргу се преселил во Партизан, по што уште на 18-годишна возраст се преселил во Андерлехт како голем потенцијал.

Сепак не доби вистинска шанса во првиот тим, па подоцна настапуваше во многу европски земји, привремено враќајќи се во Србија, а последен клуб му беше ОФК Београд. Мрдаковиќ настапувал за српската репрезентација во сите младински категории, а има настан и на Олимписките игри во Пекинг.