Поранешен соиграч на Леброн: Џордан имаше само една работа, никогаш не сум…

Мајкл Џордан со документарецот „Последниот танц“ повторно на големо се врати во кошарката како во НБА така и низ светот.

Многу коментари има за досегашните епизоди, секако воедно се споделија и многу настани, анегдоти плус од тоа време, се навратија спомени, но имаше и такви кои го искористија ова да порачаат дека не го сакаат Џордан и дека не е најдобриот на сите времиња.

Тоа го направи капитенот на шампионскиот тим на Детроит, Ајзеа Томас кој беше предводник на генерацијата на „лошите момчиња“, а сега својот став за Ем Џеј го сподели Ченинг Фрај.

Фрај е поранешен соиграч на Леброн Џејмс со кого во Кливленд во 2016 година ја освоија НБА титулата.

-Нема да лажам, не бев фан на Џордан. Јас сум од Феникс, јас сум човек на Баркли, Кевин Џонсон, Ден Марли. Па колку и сите да се шокирани, јас никогаш не сум го имал Џордан на листата на најдобрите играчи. Го имам Леброн пред Мајкл.

-Тој имаше само една работа, тоа беше да дава кошеви. Во тоа беше фантастичен, имаше неверојатен процент. Ама не верувам дека неговиот начин на победа би можело да се пренесе на тоа што е денеска. Играчите не би сакале да играат со него, -порача Фрај.