Поранешен соиграч на Кавани од Наполи го откри вистинскиот клуб за Уругваецот

Единсон Кавани ова лето ќе биде слободен да избира каде ќе ја продолжи својата кариера откако неговиот договор со ПСЖ дојде до крајот.

За Аргентинецот има голем интерес од неколку клубови ширум светот, а најмногу во јавноста се споменува името на Атлетико Мадрид.

„Душекчиите“ уште во јануари сакаа да го ангажираат Кавани, но тогаш не успеаја во намерата, за сега да добијат сериозна конкуренција за неговиот потпис.

За Кавани се интересираат и Интер, неколку клубови од Премиер лигата, но и клубови од Аргентина и Кина кои се подготвени да му понудат солидни финансиски примања за да го убедат играчот да потпише за нивниот тим.

Сепак, поранешниот соиграч на Кавани од Наполи, Андреа Досена смета дека најдобра опција за Уругваецот ќе биде тој да ја прифати понудата на Атлетико Мадрид.

– Иако веќе е во години, не треба да размислува за пензија. Читам дека има две опции, а тоа се Атлетико и Интер. Тоа се одлични клубови кои ги водат одлични тренери кои се во состојба да го извадат максимумот од еден играч.

– Лично би сакал да се врати во Италија и да го видам во тандем со Лукаку, тоа би било интересно, но сепак мислам дека треба да го избере Атлетико. Со Симеоне би уживал во уште неколку феноменални години, -заклучи Досена.