Поранешен шпански селектор: Отказот за Луис Енрике е нова грешка

Шпанската фудбалска федерација реши да ја заврши соработката со Луис Енрике, а главна причина очекувано е елиминацијата од СП во Катар уште во осминафиналната фаза.

Енрике не доби нова можност за докажување и веќе е познат неговиот наследник, но искусниот Хавиер Клементе смета дека федерацијата направила уште една грешка.

– Според мене, не е добра одлука да се продолжи без Луис Енрике.

– Тоа е уште една голема грешка на федерацијата. Мислам дека се работи за одличен тренер, со добри идеи, мислам дека немавме селекторски проблем.

– Екипата доминираше против Мароко,но не успеа да постигне гол. Секогаш се зборува за тренерите, но каде е вината на фудбалерите? Дали селекторот е виновен за нереализираните пенали? прашува Клементе.