Поранешен репрезентативец на СССР е именуван за нов тренер на Беласица

Македонскиот прволигаш Беласица пред неколку дена остана без услугите на тренерот Ѓоре Јовановски кој одлучи да си замине, па клубот од Струмица се впушти во акција за негов наследник, потрага која заврши со назначувањето на Андреј Чернишов.

Чернишов е поранешен репрезентативец на СССР и Русија, човек кој во минатото играше за Динамо и Спартка Москва, Штур, ПАОК… Како тренер пак Андреј ја има предводена селекцијата на Русија до 21 година, потоа бил асистент во најсилната репрезентација, а има и искуство од Грузија, Белорусија, Казахстан, Кувајт, Грција и Србија.

Беласица е на последното место со 12 бода што значи пред Русинот е многу тешка мисија за да обезбеди опстанок во елитната конкуренција.