Поранешен португалски репрезентативец: Јунајтед го доби најдобриот тренер на светот

Манчестер Јунајтед одлучи 39-годишниот Рубен Аморим да биде замената за Ерик Тен Хаг на менаџерската позиција во клубот.

Премиерлигашот се збогуваше во Холанѓанецот по мечот со Вест Хем по што привремено решение на неколку средби беше Руд Ван Нистелрој за да сега Аморим официјално пристигне на „Олд Трафорд“ и се впушти во новиот предизвик во кариерата.

Аморим целата своја играчка (исклучок е само една сезона во Катар) и тренерска кариера ја има поминато во родната земја, па во дефинитивно ќе биде друга приказна, сериозен тест и тоа како предводник на еден од најголемите англиски и светски великани.

Резултатите ќе бидат најдобар показател за работата, но доста луѓе веруваат во него меѓу кои и некогашниот играч на Реал Мадрид, Фабио Коентрао кој имаше интересна, храбра изјава за сонародникот порачувајќи дека е најдобриот тренер на светот.

-Спортинг загуби многу важна фигура, но јас сум возбуден поради Рубен. Манчестер Јунајтед го доби најдобриот тренер на светот… далеку пред сите, -порача Коентрао.