Поранешен напаѓач на Лил и Фенербахче е назначен за спортски директор на Гостивар (ФОТО)

Гостивар е клуб со големи амбиции во натпреварувачката 2024/2025 и со интересни потези се обидува да си отвори пат кон посакуваните цели.

Пред некое време го донесе некогашниот репрезентативец на Мароко Набил Дирар, тука веќе одреден период настапува и поранешниот репрезентативец на Турција, Алпер Потук за да сега клубот објави звучно име на функцијата спортски директор.

Оваа улога во македонскиот прволигаш ќе ја извршува Муса Со, играч кој им е добро познат на сите оние кои редовно ги пратат фудбалските случувања. Муса е поранешен младински репрезентативец на Франција, потоа настапуваше за Сенегал, а на клупско ниво играше за клубови како Лил, Фенербахче, Рен…