Поранешен играч на Интер ќе ја спасува Парма од испаѓање

Парма влезе во лоша резултатска серија и седумте натпревари без победа направија да видиме реакција од страна на раководните структури на клубот, кои вчера со тешко срце му врачија отказ на Фабио Пекија.

Тренерот кој доби нов договор во месец октомври сигурно не очекуваше брзо да ја заврши својата авантура на „Енио Тардини“, но падот на тимот во опасната зона ги натера одговорните луѓе да одлучуваат без емоции и рационално.

Парма како клуб вчера му се заблагодари на Пекија, а многу брзо ја пронајде и неговата замена, која ќе биде Кристијан Киву.

Најугледните италијански новинари со фото-вести информираа дека Киву веќе пристигнал на потпис во Парма, па за очекување е информацијата да биде потврдена официјално во наредните неколку часа.

Поранешниот дефанзивец на Интер до минатото лето работеше во Примавера тимот на „нераѕурите“, а сега Романецот ќе го има и првото искуство како тренер во Серија А.

🚨 Esclusiva 🚨

Cristian #Chivu è in città: la prima immagine del nuovo allenatore del #Parma. Riparte dall’ex #Inter il dopo Pecchia pic.twitter.com/4Iqxsq6fZP

— Guglielmo Trupo (@guglielm87) February 17, 2025