Поранешен играч на Арсенал блеска во дресот на Лацио: Ми оди добро поради…

Лацио му го нанесе првиот сезонски пораз на Торино и тоа откако го совлада на негов терен со 3-2.

Клубот од Рим игра променливо во досегашниот дел од шампионатот, но во екипата има играч кој игра квалитетно во континутет и доказ за тоа е статиската која вели дека има четири асистенции на четири натпревари во Серија А.

Тоа е левиот бек Нуно Тавареш кој во летниот преоден рок пристигна во таборот на лацијалите и засега покажува дека е големо засилување.

-Трите бода беа многу важни денеска. Морам да им се заблагодарам на моите соиграчи. Ако ми оди добро, поради нив сум во позиција да бидам на посакуваното ниво, -истакна скромниот Нуно кој потекнува од школата на Бенфика по што преку Арсенал, Олимпик Марсеј и Нотингем Форест дојде во Лацио.