Поранешен голман на Јувентус: Во менаџментот има многу луѓе кои немале никаква конекција со фудбалот

Јувентус потфрли на гостувањето кај ПСВ Ајндховен и доживеа елиминација во Лигата на шампионите, епилог кој донесе ново разочарување кај фановите, кои не можат да бидат задоволни од сезоната и во домашното првенство.

Тренерот Тиаго Мота и натаму има проблеми да го адаптира актуелниот ростер на својата тренерска филозофија, а резултатите наложија главна амбиција на Јуве да биде место во Топ 4 зоната.

Поранешниот голман, а кратко и директор во клубот, Марко Сторари, смета дека една од причините за „лутањето“ на „бјанконерите“ е фактот што во актуелното раководство има многу членови кои немале никаква конекција со фудбалот.

– Очекував вакви потешкотии бидејќи имаше големи промени и во раководството на клубот, па единствен со фудбалско искуство е Кристојано Џунтоли.

– Извршниот директор и претседателот претходно немале ништо заедничко со фудбалот и тоа има големо значење.

– Минатата година во клубот беше Мана (сега спортски директор на Наполи) кој добро знае што значи да си дел од Јувентус, како и Алегри кој е трет најуспешен тренер во клупската историја. Мота сигурно ќе биде голем тренер, но мора да се соочи со сериозниот притисок. Ова не е Болоња, во Јувентус мора да победуваш, – рекол Сторари.