Поранешен фудбалер на Атлетико и Челси освои прв трофеј во тренерската кариера

Победата на Фламенго над Атлетико Минеиро со 1:0 во реваншот од финалето на бразилскиот Куп, значеше и потврда за трофејот за составот од Рио де Жанеиро, кој го освои вториот најважен трофеј во земјата.

Истовремено, тоа е и прв трофеј во тренерската кариера на поранешниот бразилски репрезентативец Филипе Луиш, кој голем дел од кариерата го мина во дресот на Атлетико Мадрид, а освои и премиерлигашка титула со Челси.

Луиш го презема Фламенго пред еден месец и веќе може да се пофали со еден голем успех, затоа што неговиот тим го доби финалето со вкупен резултат 4:1 и заслужено го подигна трофејот.

Поранешниот фудбалер на Атлетико Мадрид и Челси по долг престој во Европа се врати во татковината во 2019 година, беше активен фудбалер до минатата година, а по работата со младинските категории, првиот сениорски тренерски ангажман дојде по повлекувањето на актуелниот бразилски селектор Тите.

Во првенството Фламенго е далеку од првото место, со заостанување од десет бодови зад лидер Ботафого.