Поранешен бразилски репрезентативец: Јас бев подобар од Нејмар, Меси и Роналдо

Кога е во прашање спортот секогаш имаме интересни ставови, тези на одредени теми, но некои луѓе дефинитивно знаат да претераат, група во која спаѓа Едилсон Да Силва Фереира.

Човекот кој мина само една сезона во Европа и тоа во португалска Бенфика тврди дека бил или е подобар од Лионел Меси, Кристијано Роналдо и Нејмар, играчи кои за многумина се најдобрите на светот.

-Во моите добри времиња бев подобар од Нејмар. Да биде подобар од мене треба да освои СП. Јас имам карактер. Кога е во прашање Лео Меси, исто за да биде подобар од мене треба да биде светски шампион, -истакна Едилсон кој беше дел од составот на „кариоките“ предводен од Ривалдо, Роналдињо, Роналдо, Карлос… кој славеше на мундијалот во 2002 година.

Кога е во прашање Кристијано Роналдо, Бразилецот пак вели:

-Тоj е само сила, шутира од десно, лево. Јас имам поголеми вештини од него, -порача напаѓачот.