Поповски со перфектно издание против Винтертур

Македонскиот интернационалец, Мартин Поповски имаше перфектно издание во големата победа на Амичитија Цирих над Винтертур во швајцарскиот шампионат.

Цирих му одржа лекција на противникот на негов терен со резултат 31:23: Гостите одиграа одлично во двете полувремиња, цврсто во одбраната, доволно ефикасно во нападот за прекин на серијата од три порази во првенството.

Нашиот Поповски беше меѓу оние кои се истакнаа со четири гола од четири обиди. Прв стрелец беше Хајер со девет реализации.

Со 13 бода Цирих е на 6 позиција со 13 бодови. Следен ривал за Мартин и другарите е последнопласираниот Базел.