Поповски скромен против Криенс, Томовски бранеше пенали за Потсдам

Македонските интернационалци, Мартин Поповски и Мартин Томовски не успеаа со своите тимови Амичитија Цирих и Потсдам да се израдуваат на позитивни резултати во шампионатите на Швајцарија, односно Германија.

Криенс-Луцерн ја прекина серијата од четири победи на Цирих и тоа со триумф од 37:32. Домаќините одиграа ефикасен меч во кој во двете полувремиња беа постојана закана за противникот со 19 и 18 гола, ритам кој Мартин и компанија не можеа да го испратат до крај.

Поповски имаше скромно издание со еден гол од два обиди.

Голманот Томовски пак со Потсдам претрпе минимален пораз од Лемго од 22:21 во првата германска лига. Мартин имаше перфектен учинок на одбранети седмерци, поточно одбрани два пенали. Лајпциг е наредниот ривал на составот на Потсдам и тоа на 27 февруари.

Бенфика пак на Филип Талески го растури Белененсес со 44:31 во португалската прва лига.