Поповски расположен за игра, ама Цирих немаше решение за неверојатниот Гаџа

Мартин Поповски имаше ново квалитетно издание во дресот на Амичитија Цирих, но и таа негова партија не беше доволна за позитивен резултат против Вакер Тун кој во своите редови го имаше неверојатниот Анте Гаџа.

Хрватскиот интернационалец и некогашен играч на Вардар постигна дури 15 погодоци од 17 обиди што е фантастичен учинок со кој го фрли во втор план и нашиот Поповски кој пак кај домаќините беше прв стрелец со 7 реализации.

Гостите водени токму од Гаџа се изборија за славје од 35:30 и тоа во меч во кој клучната предност ја направија во првите 30 минути (12:17).

Со вкупно 15 бода Цирих се наоѓа на шестата позиција во првата швајцарска лига.