Попирин со „бомби“ во финалето го потопи Рубљов и стави крај на австралиското чекање (Видео)

Алексеи Попирин се вадеше од многу тешки ситуации во претходните рунди на Мастерсот во Монтреал и спасуваше меч топки против Григор Димитров, но на крајот тој е оној што се радува во Канада.

Попирин стана првиот Австралиец кој освои Мастерс турнир од серијата 1000 после 21 година, или првиот тенисер по Лејтон Хјуит кој последен триумфираше од оваа земја во 2003-та година.

Алексеи доминираше со својот разорен форхенд во финалето и буквално го потопи Андреј Рубљов, кој уште еднаш покажа дека не знае да се носи со емоциите во финалето.

Попирин беше подобар и поквалитетен тенисер рано утрово, а тоа го покажува и резултатот кој беше во корист на Австралиецот со 6:2 и 6:4.

За Алексеи ова е најголем успех во неговата кариера, бидејќи од утрово стана најнов освојувач на турнир од серијата 1000 на Мастерс турнирите.

Alexei Popyrin becomes the first Australian man to win a 1000 title since Lleyton Hewitt in 2003.

Huge moment for Australian tennis.

Soak it in. 🥹

🇦🇺

pic.twitter.com/KX2sv2DDmr

— The Tennis Letter (@TheTennisLetter) August 13, 2024