Полјаците го уапсиле Ушик, Украинците реагираа жестоко за односот кон боксерската ѕвезда (Видео)

Актуелниот светски боксерски шампион во тешка категорија, Олександр Ушик, бил задржан во притвор од полската полиција, а ваквиот потег донесе и жестока реакција од политичките лидери на неговата татковина, Украина.

Ушик бил привремено уапсен од полските власти на аеродромот во Краков, но набргу бил ослободен, иако и тоа не ги поштеди Полјаците од критики од страна на украински високи претставници.

– Побеснев поради третманот кон нашиот државјанин и шампион. Тој е приведен, но веќе и пуштен, нема да дозволиме да се повтори вакво нешто, – реагирал украинскиот претседател Володомир Зеленски на социјалните мрежи.

Самиот Ушик бил смирен и со својата изјава по ослободувањето се обидел да ги смири страстите.

– Пријатели, се е во ред. Дојде до недоразбирање кое е решено, им благодарам на сите кои беа загрижени. Почитување кон полските безбедносни сили кои си ја вршат својата работа без разлика на височината, тежината, должината на раката и освоените трофеи, – напишал Ушик на Инстаграм.

Ukrainian heavyweight boxing champion Oleksandr Usyk has been released after being detained in Poland on Tuesday night. pic.twitter.com/XN7rJ7o3r0

— Sky Sports News (@SkySportsNews) September 18, 2024