Полицијата во Шпанија истражува натпревар од последното коло од Ла Лига од минатата сезона: Клубовите веднаш се огласија

Шпанските медиуми пренесоа дека полицијата во оваа земја детално го истражува натпреварот од последното коло од Ла Лига од минатата сезона меѓу Хетафе и Вилјареал.

Хетафе беше во борба за Лигата на шампионите и им требаше победа над Вилјареал, но откако Валенсија претходно славеше против Валјадолид, овој натпревар немаше резултатско значење.

Така, натпреварот меѓу Хетафе и Вилјареал заврши без победник 2:2, а многумиан веднаш се посомневаа дека истиот не е регуларен.

Од двата клуба вендаш се огласија со соопштенија со кои ги демантираа наводите дека натпреварот е наместе.

– Вилјареал сака да искаже апсолутно одбивање на обвиненијата кои денес се изнесени и категорично ја демантираме вмешаноста на било кој начин во местење на натпреварот против Хетафе на последниот ден од минатата сезона, -стои меѓу другото во соопштението лиферувано од страна на „жолтата подморница“.

Бргу потоа со соопштение се јавија и од Хетафе, од каде исто така ги демантираа ваквите најави.

Јавноста беше разбранувана по објавата на шпанскиот весник „Ел Паис“ во кој е наведено дека спортниот натпревар е под истрага во рамките на „Операцијата Оикос“ кое подолго време ја дрма шпанската фудбалска јавност.

Минатиот месец шпанската полиција уапси двајца поранешни играчи на Реал Бетис, како и луѓе од управата на Осасуна кои добија казни затвор.