Полицијата открила детали за нападот врз таткото на Јамал, активирана потера за едно лице (Видео)

Шпанската полиција полека ги собира сите информации и докази за вчерашните случувања во Матаро, градот каде вечерта посериозни повреди заработил таткото на ѕвездата на Барселона, Ламин Јамал.

Мунир Насрауи бил итно пренесен во болница откако бил неколку пати прободен со нож од непознато лице, а последните информации се дека е тој вонживотна опасност и ќе биде пуштен на домашно лекување.

Таткото на Јамал наводно бил жртва на група со која влегол во конфликт претходно во текот на денот, а која подоцна решила да му се одмазди поради полициската интервенција во таа ситуација.

Медиумите пренесуваат дека според досегашните информации и докази, Мунир го шетал своето куче и бил полиен со вода од една тераса, по што влегол во конфликт со луѓето кои биле одговорни за тој инцидент.

Вечерта бил нападнат од зад грб на паркинг и прободен неколку пати со нож, по што напаѓачите побегнале. Веќе се уапсени три лица кои ќе одговараат за она што се случило, а полицијата е во потрага по уште едно лице кое е во бегство.

Images have emerged of the fight that reportedly led to Lamine Yamal’s father, Mounir Nasraoui, being stabbed hours later.pic.twitter.com/YyObdWeHmb

— Football España (@footballespana_) August 15, 2024