Полицијата бркала крадци од домот на Ди Марија во Торино

Анхел Ди Марија одигра одличен натпревар за Јувентус против Макаби, но денеска доживеал непријатна ситуација заедно со целото семејство.

Италијанските медиуми тврдат дека попладнево тројца крадци влегле на имотот на Аргентинецот во Торино, по што била алармирана полицијата која брзо стигнала до локацијата.

Крадците морале да се откажат од првичната идеја, а еден член на криминалната група бил уапсен од полицијата.

Стресната ситуација сигурно ги вратила сеќавањата во семејството на Ди Марија, откако беше цел на вооружен грабеж додека настапуваше за ПСЖ.

Аргентинецот тогаш беше повлечен на полувреме затоа што одговорните во клубот добиле информација дека крадци влегле во неговиот дом.