Полицијата го посетила Морент по загрижувачките пораки испратени преку Инстаграм

НБА ѕвездата Џа Морент и натаму е топ тема во медиумите со погрешна причина, а денеска ги загрижи фановите со пораките кои ги испрати преку својот Инстаграм профил.

Кошаркарот кој доби две суспензии поради објавени видеа на кои се забавува со огнено оружје, се „збогувал“ со родителите и својата ќерка преку Инстаграм стори, а работата отишла дотаму што полицијата решила да го посети за да се увери дека е во добра состојба.

Пораките на Морент предизвикаа паника и многумина протолкуваа дека Морент може да си наштети себеси, па медиумите објавија дека бил посетен од полицијата, чии претставници сакале да се уверат дека се е во ред со кошаркарот на Мемфис.

Полицијата добила објаснување дека Морент сакал да порача дека ќе одмори од социјалните мрежи и немал друга намера.

Ja Morant posted a series of IG stories saying ‘love ya’ to his mom, dad and daughter.

And then a final story saying ‘bye’ with a photo of a NBA On TNT microphone 👀 pic.twitter.com/qsXwE8tx02

— ClutchPoints (@ClutchPointsApp) May 24, 2023