Покетино за ВАР технологијата: Му верувам на автомобилот, но не и на возачот

Големата грешка на ВАР судиите на дербито меѓу Тотенхем и Ливерпул е топ тема на англиските медиуми и речиси една недела подоцна, а била актуелизирана и на денешните прес-конференции на менаџерите.

Маурисио Покетино во комуникацијата со новинарите појаснил дека е поборник за користење на ВАР технологијата, но смета дека таа треба да се употребува на поинаков начин.

– Јасно е дека судиите ќе прават грешки и тоа треба да го прифатиме, но тешко е да се прифати такво нешто за технологијата. Јас му верувам на автомобилот, но не толку и на возачот.

– Според мене треба да се поедностави користењето и да му се даде поголема моќ на судијата на теренот, еден чекор наназад може да донесе позитивен ефект, – рекол Покетино.

Менаџерот на Челси на новинарите им појаснил дека посакува ВАР да биде користен само за проверка на офсајди и гол-линијата.