Покетино по свирежите на навивачите: Дали ќе плачам? Разочаран сум само од една работа

Челси уште еднаш не победи во Премиер лигата, поточно мораше да се задоволи само со бод на гостувањето кај Борнмут (0-0).

„Сините“ имаат освоено само 5 бода во досегашниот дел од кампањата и се дури на 14 место на табелата што е премалку, прескромно за клуб кој вложи огроми средства во летниот преоден рок, но и во сите „прозорци“ откако Тод Боли застана на чело на премиерлигашот.

Навивачите се незадволни и имаше дури и свирежи за играчите, но менаџерот Маурисио Покетино не е загрижен и покрај сите проблеми.

-Со сите играчи, секако фит, можеме да се натпреваруваме за се, но зошто е поинаку за нас? Ни недостига среќа со 12 повредени играчи. Имаме 3/4 млади момци, двајца чувари на клупата, ќе плачам ли? Не, прифаќам и ќе продолжам. Борнмут е добар тим.

-Едно нешто од што сум разочаран е што тие [бековите] се обидуваа премногу да одат напред и созадоа конфузија кај офанзивните играчи и му овозможија многу шанси на противникот, -порача Аргентинецот.

Челси во наредната рунда го дочекува тимот на Астон Вила.