Покетино: Ова не е доволно за ПСЖ, целта е…

Аргентинскиот стратег, Маурисио Покетино допрва ќе дознае дали ќе продолжи да биде на кормилото на Пари Сен Жермен, тим кој ја врати во своите витрини титулата во Франција, но воедно одново не успеа да направи позначаен резултат во Лигата на шампионите или поточно да го оствари сонот и да ја освои истата.

Останува да се види дали осминафиналната елиминација од Реал Мадрид ќе му пресуди на Покетино кој самиот е свесен дека титулата во Лига 1 не е доволна за амбициите, целите на составот од француската престолнина.

-Целта на ПСЖ секогаш е да ја освои ЛШ. Најважно (нешто) е да се обидете да изградите нешто посебно. Најважно е да се учи од искуството. Овој фудбалски клуб се гради за да победува.

-Тешко е во клуб како Пари Сен Жермен бидејќи целите се толку големи и кога ќе ја освоите лигата, понекогаш изгледа дека тоа не е доволно. Секако за нас тоа не е доволно затоа што сакаме да го освоиме секое натпреварување што го играме, -порача Покетино.