Поврзете се со нас

Англија

Покетино: Гвардиола требаше да заработи 7 откази……..

Објавено

на

Foto:twitter.com/PSG_English

Маурисио Покетино ги анализираше Светското првенство во Катар во последниот разговор кој го имаше со „АС“ и воглавно ги коментираше шпанската и аргентинската селекција, тимови кои верува дека имаат што да кажат и во нокаут рундата на мундијалот.

Поранешниот тренер на Тотенхем и ПСЖ посебно ја истакна и Франција како репрезентација која може да дојде до самиот крај и да се бори за одбрана на титулата, но во интервјуто говори и за својата етапа која ја имаше во Париз.

Покетино беше посочен како главен виновник откако тимот повторно не оствари успех во Лигата на шампионите и тоа резултираше со негов отказ, но иако секоја разделба боли, Аргентинецот тврди дека се уште има пријателски однос со Ал Келаифи, со кого заедно гледал натпревари во Катар.

Она што привлекува посебно внимание од интервјуто е изјавата која ја дава за опседнатоста која ја има ПСЖ со титулата во Лигата на шампионите, како и тренерските жртви кои паднаа во обидот да се стигне до најпосакуваната цел.

– Ако се работи само за Лигата на шампионите, Гвардиола требаше да добие седум или осум откази досега! Тоа е различната реалност во ПСЖ и Сити. ПСЖ се конструира само за да се освои Лигата на шампионите и кога нема да се случи тоа, првиот одговорен е тренерот. Последен бев јас, но сите се запознаени со таа ситуација во Париз, – вели Покетино.

Реклама
Реклама
Реклама

Популарни