Поврзете се со нас

Англија

Покетино го испофали својот омилен играч во Челси: Тој е бесценет за нас!

Објавено

на

Foto:twitter.com/ChelseaFC

Челси се изнакупи безброј фудбалери во изминатите 18 месеци и го промени речиси целиот ростер под водство на Тод Боли, но иако Маурисио Покетино секое коло може да бира од голем број скапи имиња, мора да се признае дека најконстантен фудбалер во неговиот тим е Конор Галагер.

Играчот кој е производ на фудбалската школа на Челси беше пред трансфер во јануари и се предвидуваше дека ќе го напушти „Стемфорд Бриџ“, но Покетино не дозволи такво нешто и тоа беше одлична вест за него.

Галагер беше клучен за Челси на вчерашното гостување кај Кристал Палас и со два гола го комплетираше пресвртот, за на крајот Челси да оствари триумф и од 1:3.

– Конор е играч кој игра со максимална посветеност кон тимот. Секогаш се обидува да компензира и да поправи во секоја ситуација. Тој игра во двата правци, му помага на тимот и во одбрана и во напад. Бесценето е да се има играч како него.

– Тој постојано ми велеше дека сака да остане во Челси и среќен сум што се случи токму тоа. Ќе ја доигра оваа сезона, а потоа има уште една година од договорот. За мене тој е бесценет, останатото е меѓу него и клубот, – изјави Покетино.

Реклама
Реклама
Реклама

Популарни