Погрешен прв чекор: Ѕвезда на Интер падна излегувајќи од автобусот во Истанбул (Видео)

Интер вечерва има можност да се избори за уште еден престижен трофеј во својата клупска историја, а противник ќе му биде англискиот првак Манчестер Сити.

Италијанскиот состав во добра форма ја заврши сезоната во Серија А, истовремено триумфирајќи и во финалето на Копа Италија, а во Истанбул ќе се обиде да ја збогати својата богата колекција трофеи.

Сепак, пристигнувањето во турската метропола по лошо ќе го памети холандскиот интернационалец Дензел Дамфрис, кој успеа да падне симнувајќи се од автобусот кој ги префрлил играчите на Интер до предвидениот хотел каде екипата престојува деновиве.

Видеото со инцидентот на Дамфрис очекувано стана вирално, а фановите на Интер можат да го проследат со насмевка, бидејќи фудбалерот сепак мина неповреден во оваа ситуација.

Denzel Dumfries est tombé à la sortie du bus devant l’hôtel 😂

🎥 @FcInterNewsit pic.twitter.com/2BJQ1cHXWJ

— Inter FR (@InterMilanFRA) June 8, 2023