Погодок вреден три бода: Дориев си поигра со ривал, па погоди за победа (ВИДЕО)

Македонскиот репрезентативец, Љупчо Дориев беше автор на победничкиот гол за Согдиана во шампионатот во Узбекистан.

Домашниот тим успеа да дојде до значаен триумф во пресметката со Бухоро со 1-0, а единствениот гол вреден три бода беше дело на Дориев во 67 минута кога прво се ослободи од еден противнички играч, а потоа и ја смести топката на вистинското место.

Ова за офанзивецот беше 3 гола во 10 лигашки меч, а зад неговото име има и три асистенции.

Согдиана со 26 бода е на 10 место на табелата.