Погба откако неговиот брат доби затворска казна: Конечно можам да свртам нов лист

Пол Погба ги мина најтешките денови во животот во изминатите две години, не само поради суспензијата која ја заработи од ФИФА, туку и поради животната драма која му ја режираа блиски пријатели и неговиот брат Матијас.

Славниот фудбалер беше жртва на изнуда во вредност од 13 милиони евра и целиот случај заврши на суд, па откако затворска казна му беше одредена и на неговиот брат, сега Пол почувствува потреба да излезе со соопштение во јавноста.

Оваа немила епизода остави црна дамка за целото негово семејство, со тоа што Матијас Погба беше и малку поштеден од судијата, бидејќи доби двегодишна условна казна, како и дополнителна казна од една година во која ќе мора да се движи на слобода со електронска лента на себе.

– Не постои победник во овој случај во кој беа вклучени членови од моето семејство и луѓе кои ги познавам од детството.

– Конечно можам да свртам страна и да го оставам зад себе овој екстремно тежок период. Овој заклучок од судијата е можност за сите да се фокусираат на иднината. Откако пресудата беше донесена, јас целосно можам да се концентрирам кон враќање на професионалниот фудбал, – порача Погба.