Подготвува терен за трансфер од Јувентус: Рабио отворено говореше за својата омилена дестинација

Адриен Рабио значително го подигна нивото на игра од стартот на сезоната и поради тоа почна да добива пофалби и во Италија, но иако изминатово лето беше многу критикуван и пред преселба од Торино, сега се претвора во непосакуван проблем за управата на клубот кој минува низ турбулентен период.

Договорот на Рабио со Јуве истекува на крајот на оваа сезона, а ако се суди според неговите изјави, тој е подготвен за нова авантура и нова лига.

Играчот за врска е сигурен стартер во тимот на Дидие Дешамп и максимално го користи тоа што во тимот нема имиња како Нголо Канте и Пол Погба, па добрите изданија ќе му донесат и многу примамливи понуди.

– Отсекогаш сум велел дека сакам да играм во Премиер лигата. Во младинските денови, имавм краток период во Манчестер Сити и тоа го доживеав многу позитивно. Ми се допаѓа атмосферата која го опкружува англискиот фудбал, многу е поинакво од Франција или Италија.

– Немам омилен тим во Англија, генерално ми се допаѓа целото првенство и навистина ме привлекува. Сметам дека моите квалитети навистина прилегаат на Премиер лигата, – порачува Рабио.