Почна вториот дел од сезоната: „Лавовите“ маршираат кон Првата лига, киксови за Брегалница и Башкими

Паузата од два месеци во македонскиот фудбал денеска беше приведена до својот крај, откако попладнево на програмата беа сите осум натпревари од Втората лига.

Македонија Ѓорче Петров продолжи онаму кадешто застана на крајот на 2024-та година, па така пролетниот дел од сезоната го стартуавше со нов триумф, иако беше минимален.

„Лавовите“ го освоија Охрид и го победија истоимениот тим со 0:1, а стрелец на единствениот погодок за гостите од Скопје беше Кире Марковски.

Тимот од Ѓорче Петров на овој начин продолжи да маршира кон Првата македонска фудбалска лига, бидејќи доби позитивни вести и од натпреварите на главните ривали за врвот.

Башкими во 105-та минута испушти победа во пресметката против Борец (1:1), додека киксираше и Брегалница која одигра 0:0 против Победа во Прилеп.