Поврзете се со нас

АТП

Победнички крик на германскиот лав: Зверев се врати во полуфиналето после најтешката година во животот (Видео)

Објавено

на

Foto:twitter.com/rolandgarros

Александер Зверев заработи тешка повреда на зглобот во полуфиналето на Ролан Гарос пред една година и мораше да го предаде дуелот против Рафаел Надал, но една година подоцна, спортот донесе правда за германскиот тенисер.

Саша ја мина најтешката година во својот живот и долго беше надвор од терените поради операцијата на скочниот зглоб, па откако имаше променливи резултати во изминатите шест месеци, најдоброто го чуваше токму за Френч Опен.

Зверев денеска успеа да се врати во полуфиналето на тенискиот грен слем во Париз и со победнички крик го заокружи тримфот над најголемото изенадување на турнирот.

Томас Мартин Ечевери покажа дека неслучајно се пласираше меѓу осумте најдобри и презентираше навистина одличен тенис против Зверев, но сепак загуби во мечот во четири сета.

Саша славеше со 6:4, 3:6, 6:3 и 6:4 и стана третиот полуфиналист на Ролан Гарос по Ѓоковиќ и Алкарас, а последниот патник во оваа фаза ќе го дознаеме од дуелот меѓу Руд и Руне.

Реклама
Реклама
Реклама

Популарни