Победата над Кристал Палас во втор план: Навистина сме загрижени за Сака (Видео)

Арсенал го освои „Селхрст Парк“ и славеше со убедливи 1:5 против Кристал Палас, но овој триумф остана во сенка на она што се случи во раната фаза на мечот.

Букајо Сака е убедливо најдобар играч на Арсенал од стартот на сезоната и е офанзивецот кој прави најголема разлика пред противничкиот гол, па секако ќе биде огромна загуба за Микел Артета ако остане без англискиот репрезентативец на подолг период.

Сака самиот побара измена уште во 24-та минута кога почувствува непријатни болки во задната ложа, но далеку позагрижувачки е тоа што Букајо го напуштил стадионот во Лондон на патерици.

– Букајо почувствува нешто во задната ложа и дефинитивно стануваше збор за ситуација по која не можеше да продолжи да игра.

– Ќе мора да бидат направени детални прегледи, прилично сме загрижени за него. Не знам за што точно се работи, но ова секако не се добри вести за нас. Ќе мора да почекаме и да видиме колку ќе отсуствува, – изјави Артета.

Saka leaving Palace on crutches, not looking great #arsenal pic.twitter.com/N3Jnd7bS8x

— Joao Castelo-Branco (@j_castelobranco) December 21, 2024