Победата на Милан не го импресионира Капело: Не изгледаа како тим

Милан вчера повторно правеше пресврт и успеа да го совлада Комо, но легендарниот Фабио Капело не е импресиониран од настапот на „росонерите“ на овој натпревар.

Стручниот коментатор на „Скај Спорт Италија“ и „Газета дело Спорт“ вели дека Милан може да ужива во фактот што ги освоил бодовите, но нема простор за истакнување на нешто друго.

– Милан не делуваше како тим, посебно во првото полувреме и имаа среќа што на полувреме заминаа со еден гол негатива.

– Играчите на Консеисао беа препасивни и пречесто ја базираа играта на обидите да постигнат гол од контра напад, – вели Капело.

Поранешниот италијански тренер го критикувал Консеисао што повторно не сметал на Фофана и Томори од почетокот на средбата, а смета и дека Вокер игра премногу пасивно.