Победа за Димитриоски и Карапалевски пред соочувањето со Барселона

Димитар Димитриоски и Мартин Карапалевски со Атлетико Валјадолид се израдуваа на победа против Пуенте Хенил во АСОБАЛ лигата.

Избраниците на Давид Писонеро го одбранија домашниот терен и славеа со 27:25, победа која е важна во битката за Европа, а особено ако се знае дека нивен нареден ривал е Барселона.

Ова за Валјадолид беше 13. славје во 24. натпревар, триумф во кој Карапалевски немаше учинок со оглед на тоа што ги промаши сите три удари, додека Димитриоски имаше реализација три од пет. Најефикасен играч кај победникот беше Мартинез со шест голови.