Победа доживеа срамен пораз од српски второлигаш, противникот се жали: Очекувавме квалитетен ривал, се чувствуваме изневерено (ВИДЕО)

Екипата на Победа ги продолжува подготовките за вториот дел од оваа сезона, а на последниот тест доживеа срамен пораз и тоа од српскиот второлигаш Лозница од 8-0.

Прилепчани играле со комбиниран состав на овој меч и во текот на истиот упатиле само еден удар кон голот на противникот. Сето ова донесе разочарување кај тренерот на Лозница, Небојша Нешковиќ кој порача дека се чувствува изневерено од македонскиот тим затоа што едноставно очекувал вистински тест, поточно ова да биде адекватна проверка за неговиот тим.

-Очекувавме ние вистински квалитетен противник со кој ќе може да ги одмериме силите и да ги реализираме нашите планови, но очигледно Победа се одлучи да не истрча со најсилниот состав, тие излегоа со некоја микс-екипа на теренот. И навистина ми е жал, затоа што се чувствуваме изневерено, не очекувавме ваков противник на терен, -порача Нешковиќ.