Македонија
Победа доминантна во Прилеп на отворањето на Втората лига – Исток
Фудбалерите на Победа со одлична игра и благодарение на фуриозните први 45 минути во премиерниот меч од новата сезона на Втората лига-Исток го совладаа Кит-Го од Пехчево со 4-1.
По мечот разбирливо задоволство од добрата игра и првите освоени 3 бода во црвено-белиот табор. Шефот на Стручниот штаб Дарко Крстески ја потенцира дека најзаслужни за победата и освоените бодови се фудбалерите, иако недвојбено Стручниот штаб имаше добра подготовка на натпреварот и адекватна анализа на противникот.
– Најпрвин би сакал да им честитам на моите фудбалери на победата и залагањето. Навистина беше тешко да се игра по спарното време и да се издржи високиот ритам кој го наметнавме од самиот почеток на натпреварот. Свесни бевме и наша интенција беше од првиот судиски свиреж со агресивна и максимално дисциплинирана игра да извршиме притисок на противничкиот гол и по можност во раната фаза од мечот да се стекнеме со резултатска предност. За среќа играчите нашите замисли ги спроведоа во дело и сосема заслужено стигнавме до посакуваната победа.
-Во поглед на забелешките на тренерот на Кит-Го не би сакал да се спуштам на неговото ниво туку само едноставно би кажал дека условите за игра беа исти за двата тима, а досега ниеден мој колега кој со својот тим победил на Могила не се жалел на теренот и условите за игра. Теренот е ист за екипите кои играат, најбитно е тие да имаат објективна арбитража-каква што вчера ни овозможи судиската тројка, па кој е подобар нека победи. Останува само да посакам повеќе среќа на симпатичната екипа од Пехчево во продолжение на првенството.
-Ние си ја гледаме нашата работа. Не интересираат само добри резултати. Ориентирани сме кон сопствените редови, како да ја подобриме нашата игра со цел да освојуваме што повеќе бодови. Се друго е ирелевантно.
Во наредното 2-ро коло од првенството на Втората лига-Исток во недела на 23-ти август од 16,30 часот на теренот на Могилата Победа ќе го пречека новајлијата во лигата Росоман, кој на стартот на шампионатот на свој терен ја совлада Слога од Виница со 2-1. Претходно, на 5 август, Победа му гостуваше на Росоман во пријателски натпревар што прилепчани го добија со 2-0, благодарение на головите на Гешоски и Колевски.
Резултати од 1. коло во 2МФЛ:
Победа-Кит Го 4:1
Дрита-Вардари Форино 1:1
Скопје-Велазерими 4:2
Каменица Саса-Брегалница 0:1
Гостивар-Охрид 0:0
Кожув-Осогово 2:0
Плачковица-Тиквеш 0:1
Росоман-Слога Виница 2:1
Велешта-Кадино 1:0
-
Германијапред 18 часа
Муслиу со гол со глава ја завери победата на Падерборн (ВИДЕО)
-
Шпанијапред 19 часа
Озил ја „закачи“ Барселона: Тие се виновни што Ел Класико не е најголемиот натпревар во светот, мора да престанат…
-
Англијапред 21 час
Гвардиола за најдобриот стрелец во ПЛ: Две сезони бараше да си замине…
-
Италијапред 15 часа
Милан се откажува од Пиоли, две имиња се во игра
-
Шпанијапред 20 часа
Ривалдо има интересен предлог за нов тренер на Барселона: Тој е победник
-
Англијапред 18 часа
Џака испрати порака до Арсенал: Се уште ги гледам нивните натпревари…
-
Италијапред 15 часа
Влаховиќ даде атрактивен гол, Јувентус се спасуваше од пораз на Сардинија (ВИДЕО)
-
Лига на шампионипред 19 часа
Ван Бастен за ѕвездата на Сити која се посрамоти против Реал: Не можеше да биде полошо (ВИДЕО)